Объекттың стеналары күтәрелгән, сэндвич- панелдәр менән көпләнгән. Бинаның эсендә әле ике трансформатор ҡуйылған. Электр подстанцияһы Өфө трансформатор заводында етештерелгән ҡорамалдар менән йыһазландырыла. Хәүефһеҙлек талаптары буйынса яңы подстанцияла электр ҡорамалдары бинаның эсендә була. Подстанцияға тиклем «Өфө Тэц-2»-нән 110 киловольтлы электр линиялары һуҙыласаҡ.
