Гагарин урамындағы шәхси йортта ут сығыуы тураһында хәбәр ғәҙәттән тыш хәлдәр министрлығының Башҡортостан буйынса баш идаралығына таңғы сәғәт 5-се 4 минутта ҡабул ителә. Ваҡиға урынына шунда ашығыс хеҙмәттәр ебәрелә. Янғын торлаҡ йорттоң эске өлөшөн ялмаған була. Ҡыҙғанысҡа ҡаршы, утты һүндергәндә ике кешенең - ир менән ҡатындың кәүҙәләре табыла. Әле ваҡиға сәбәптәре тикшерелә.
