«Дуҫтар» күсмә интенсивҡа йыйылды. Изгелек мәктәбе ирекмәндәре Шишмә районы Сәлих ауылындағы социаль-мәғариф үҙәгендә ике көнлөк семинар уҙғарҙы. Бында волонтерҙар өсөн оҫталыҡ дәрестәре, лекциялар күңел асыу саралары ойошторолдо.
«Дуҫтар» проекты уҡыуҙары апрелдә үк башланды. Программала ике йөҙҙән ашыу ирекмән ҡатнаша. Улар волонтерлыҡ хәрәкәтендә эш итеү алымдары, изгелек платформаларын үҙләштерә. Маҡсат иһә баш ҡала ирекмәндәрен берләштереп уларҙың эшен кәйләү һәм тағы ла һөҙөмтәлерәк итеү.
