«Башҡортостан ихаталары» программаһының иң күләмле проекттарының береһе Белорет ҡалаһында тормошҡа ашырыла. Бында Крупская урамындағы 6 йортто берләштергән ихата тәртипкә килтерелә. Әле эш 45 процентҡа теүәлләнгән һәм 30 августҡа тиклем тамамлау күҙаллана. Проект күләмле һәм урындағы халыҡ уны күптән көтә.
«Башҡортостан ихаталары» программаһы Радий Хәбиров башланғысы менән 2019 йылда старт алды һәм тиҙ арала юғары һөҙөмтәгә иреште. Уға ярашлы ихаталар комплекслы төҙөкләндереү үтә. Балалар уйыны, спорт майҙансыҡтары, парковка барлыҡҡа килә, хәүефһеҙлек талаптары ла үтәлә. Башланғандан алып республикала 1120 ихата тәртипкә килтерелгән.
