Хәтер сараһы йылдағыса батырҙың Палдиски ҡалаһында урынлашҡан һәйкәле эргәһендә уҙҙы.
Тарихи урында ҡурай моңо оҙатыуында башҡорт шағирҙарының Салауат Юлаевҡа арналған шиғырҙары яңғыраны, тотҡонлоҡта һәләк булған ҡан-ҡәрҙәштәребеҙ иҫтәлегенә ҡөръән сүрәләре уҡылды. Сарала ҡатнашыусылар батыр һәйкәленә сәскә һалды. Быйыл милли батырыбыҙҙы иҫкә алырға Таллин ҡапаһының Флүзә Хәйруллина етәкләгән «Ағиҙел» башҡорт мәҙәни үҙәге ағзаларынан тыш, Швеция һәм Норвегияла йәшәгән ватандаштарыбыҙ ҙа килгән.
Гөлдәриә Йосопова
