Республика Хөкүмәтендә үткән ултырышта педагогтарҙы матди дәртләндереү мәсьәләһе ҡаралды. Башҡортостан Башлығы Радий Хәбиров ҡушыуы буйынса йыл һайын юғары һөҙөмтәләр күрһәткән башҡорт, рус һәм башҡа туған телдәр уҡытыусыһына 50 мең һум тапшырыла. Хөкүмәт ҡарарына ярашлы, улар араһында мәктәп һәм колледждарҙа, шулай уҡ полилингваль гимназияларҙа белем биргән педагогтар була. Аҡсалата премия өсөн бюджеттан 5 миллион һум бүленә.
