Хәрбиҙәр һәм уларҙың ғаилә ағзаларына тулы квалификациялы һәм түләүһеҙ юридик ярҙам, хоҡуҡтарын үтәү мәсьәләләре буйынса консультациялар, мобилизацияланыусыларға ярҙам саралары хаҡында мәғлүмәт еткереү, тормош һәм ғаилә мәсьәләләрен хәл итеүҙә мөмкин булған ярҙам күрһәтеү. Башҡортостан юридик бюроһы, адвокаттар палатаһы һәм республикала май аҙағында Рәсәй Президенты ҡушыуы буйынса асылған «Ватан һаҡсылары» дәүләт фонды бөгөн ошондай килешеүгә ҡул ҡуйҙы.
