Һуңғы өс йылда ғына медицина учреждениеһына республиканың һаулыҡ һаҡлау тармағы беренсел звеноһын модернизациялау программаһы буйынса ашығыс медицина ярҙамы күрһәтеү өсөн 3 автомобиль алынған. Тағы ла бер транспорт «Сәләмәт республика - сәләмәт төбәк» програмаһы буйынса килтерелгән.
Быйыл апрелдә шулай уҡ беренсел звеноны яңыртыу програмаһы буйынса күсмә мобиль ФАП килтерелгән. Дауахана шулай уҡ заманса медицина ҡорамалдары менән дә тулылана. Һуңғы арала бында һанлы маммограф, рентген һәм флюрография, эндоскопия аппараттары алынған. Дауахана белгестәре әйтеүенсә, эш шарттары яҡшырыуы район халҡының сәләмәтлек күрһәткестәренә һәм демографик хәлгә ыңғай йоғонто яһай.
