Бөтәһе 100-ҙән ашыу килешеүгә һәм меморандумға ҡул ҡуйылды. Өстән бер өлөшө - Башҡортостан яғынан. Был турала бөгөн социаль селтәрҙәрҙә Радий Хәбиров яҙҙы. Төбәк етәксеһе билдәләүенсә, мәҫәлән, Минскиҙағы коллегаларыбыҙ менән дәүләт һәм муниципаль хеҙмәттәр күрһәтеү өлкәһендә тәжрибә уртаҡлашасаҡбыҙ. Минск трактор заводы һәм «Гомсельмаш» менән килешеүҙәр аграрийҙарыбыҙҙы сифатлы ауыл хужалығы техникаһы менән тәьмин итәсәк. МТЗ менән берлектә Дүртөйлөлә мини-тракторҙар йыйыу планлаштырыла.
Эшлекле һәм мәҙәни программаларҙан тыш, ҡунаҡтарға Башҡортостаныбыҙҙы матур итеп күрһәтә алдыҡ. Улар һәйкәлдәргә, музейҙарҙарға, беҙҙең аш-һыуға һәм йолаларға һоҡланды. Федерация советы рәйесе Валентина Матвиенкоға форумға әҙерлек буйынса командабыҙҙың эшен юғары баһалағаны, шулай уҡ Белоруссия Советы рәйесе Наталья Кочановаға һәм был илдең бөтә делегацияһына форумда ҡатнашҡаны, хеҙмәттәшлек перспективаһы һәм мөнәсәбәттәрҙең йылылығы өсөн рәхмәт белдерәм.
Фестивалдә ҡатнашҡан Башҡортостан халҡына айырым рәхмәт. Өфөләргә ҡунаҡсыллыҡ өсөн рәхмәт. Беҙ Рәсәйҙең сағыу төбәге һәм бындай кимәлдәге сараларҙы ҡабул итә беләбеҙ, тип яҙған Башҡортостан Башлығы.
