Унда Рәсәй төбәктәренең мәғариф министрлыҡтары вәкилдәре тиҙ төҙөлә торған конструкциялар - модулле лагерҙар тәжрибәһе менән яҡындан танышты. Рәсәй Геройы Максим Серафимов исемендәге «Патриот» хәрби-патриотик паркынан БЮТ ижади төркөмө әҙерләгән яҙма.
Рәсәй төбәктәре делегациялары модулле лагерь шарттары менән таныша. Хәрби паркта быйыл Рәсәй мәғариф министрлығының федераль программаһы буйынса төҙөлгән ике модуль корпус асылған. Ул ике ай эсендә күтәрелгән.
Балалар лагерҙарында капиталь булмаған объекттар йәки тиҙ төҙөлә торған конструкциялар булдырыу ил ҡаҙнаһынан субсидиялана. Башҡортостан быйыл федераль проектта еңеүсе 15 субъект иҫәбендә. Илдең башҡа төбәктәре лә Башҡортостан тәжрибәһен үҙләштерергә ниәтләй
Максим Ким, балалар һәм үҫмерҙәр спорт мәктәбе директоры, Бүрәт Республикаһы
Программаның нескәлектәре балаларҙың ял һәм һауыҡтырыу ойошмаларын тергеҙеү программаһында ҡатнашыу мәсьәләләре буйынса методик семинарҙа ҡаралды. Конкурс буйынса һайлап алыуҙа ҡатнашыу өсөн талаптарҙы тикшереү менән бер рәттән тормошҡа ашырылған проекттарҙың презентацияһы үтте.
Семинарҙа ҡатнашыусыларҙы модулле лагерҙың тәү сиратта конструкция хәүефһеҙлеге, санитар талаптар үтәлеше ҡыҙыҡһындырҙы. Барлыҡ һорауҙарға тейешле органдар яуап бирҙе
Башҡортостан федераль программала тағы ла ҡатнашырға иҫәп тота. Еңеү осрағында, киләһе йыл 15 модулле корпус сафҡа инәсәк. Республика балаларҙы йәйге һауыҡтырыу лагерҙарында 60 корпусҡа ихтыяж бар
Лилиә Мәҡсүтова
