Башҡорт дәүләт медицина университетының урология һәм онкология клиникаһында өҫтөнлөклө проекттарға арналған түңәрәк өҫтәл үтте. Табиптар, ғалимдар, студенттар ҡатнашлығындағы һөйләшеүҙә Вена медицина университеты профессоры Рудольф Валента ҡатнашты.
Башҡорт дәүләт медицина университетының урология һәм онкология клиникаһы заманса технололгиялар менән йыһазландырылған медицина үҙәге. Бында ғилми тикшеренеүҙәр үткәреү, фәнни асыштар яһау, заманса дауалау алымдар ҡулланыу өсөн тулы шарттар булдырылған. Клиникала яңы препараттар уйлап табыу буйынса ла эҙмә-эҙлекле эш алып барыла. Түңәрәк өҫтәл артындағы һөйләшеүҙә лә үҫеш юлдары, өҫтөнлөклө проекттар тураһында һүҙ барҙы. Австрияның Вена медицина университеты профессоры Рудольв Валента клиниканың кимәлен юғары баһаланы. Бында һәр пациентҡа шәхсән дауалау терапияһы, туҡланыу менюһы, реабилитация тураһында һүҙ бара. Онкология осрағы булғанда был исемлеккә химия терапияһы ла өҫтәлә.
