«Мин бәхетле» тип исемләнгән өлкән йәштәгеләр өсөн пансионат тантаналы шарттарҙа Иглин районы Пушкин ауылында асылды. Сара ауылға нигеҙ һалыныуға 95 йыл тулыуға арналған байрам сиктәрендә үтте. Был көндө ауыл мәҙәниәт йорто алдында биҙәү-ҡул сәнғәте әйберҙәре күргәҙмәһе, халыҡҡа байрам концерты ойошторолдо.
Пушкинский ауылында пансионат булдырыу тураһындағы килешеүгә 2021 йылда уҡ ҡул ҡуйылған булған. Яңы учреждение һуңғы арала республикала өлкән йәштәгеләрҙе ҡарау өсөн ойошторолған бишенсе үҙәк. Пансионат 22 урынға иҫәпләнгән, уларҙың 11-е бюджеттан, ҡалған яртыһы коммерция нигеҙендә финансланасаҡ.
