Эшселәр Хәйбулла районында трассаның 2 километрға яҡын арауығында асфальттың өҫкө ҡатламын сисеп, уйһыулыҡтарҙы тигеҙләгән. Үткән быуаттың 80-се йылдарында еңел япма менән эшләнгән юлдың быйыл 27 км-ҙан ашыу өлөшө ремонтлана. Был маҡсатҡа 669 миллион һум аҡса бүленгән. Район хакимиәте башлығы Рөстәм Шарипов һөйләй.
Сибай-Аҡъяр юлы республикала быйылдан ҡабул ителгән программа ярҙамында төҙөкләндерелә. Ремонт эштәрен тиҙләтер өсөн асфальт-бетон заводы урынлаштырылды.
