170-тән ашыу компетенция буйынса ойошторолған конкурс колледж студенттары һәм мәктәп уҡыусылары араһында үтә.
Башҡортостан 7 компетенция буйынса ярыштарҙы ҡабул итә. Уларҙа Рәсәйҙең 33 төбәге вәкилдәре ҡатнаша. Өфө радиоэлектроника, телекоммуникациялар һәм хәүефһеҙлек колледжына йыйылыусылар «Эске хәүефтән корпоратив һаҡланыу», «Смета эше», «Әйберҙәр интернеты» һәм «Янғын хәүефһеҙлеге» буйынса үҙ көстәрен һынай. Һуңғы компетенция производство бурыстарына яҡынлаштырылған практик йүнәлешле мәсьәләләрҙе үҙ эсенә ала. Конкурсанттарҙың оҫталығын абруйлы эксперттар баһалай.
Төбәк-ара һайлап алыу этабы шулай уҡ Учалы тау сәнәғәте һәм Мәләүез күп профилле һөнәри колледждарында ла үтә. Профессиональ оҫталыҡ буйынса чемпионаттың финал ярыштары быйыл ноябрҙә Санкт-Петербург ҡалаһында уҙа.
