Ҡаһармандың тыуған көнө уңайынан Башҡортостан Милли музейы «Батырҙар халыҡ хәтерендә» тип исемләнгән флешмоб иғлан итте. Унда ҡатнашыу өсөн махсус хәрби операцияла ҡатнашыусыларға хуплау һүҙҙәре һәм изге теләктәр әйтелгән видеомөрәжәғәт төшөрөргә кәрәк. Шулай уҡ геройҙарға рәхмәт һүҙҙәрен башҡаларҙан да әйттереү шарт. Материалдар социаль селтәргә ҡуйылырға тейеш. «Александр Доставалов беҙҙең өсөн һәр саҡ ҡыйыулыҡ, батырлыҡ өлгөһө булып тора», - ти уның исемен йөрөткән батальон яугирҙары.
