Киң мәғлүмәт сараларында Республика етәксеһе эшмәкәрлегенә бәйле 12 мең ярымдан ашыу яңылыҡ баҫылған. “Медиалогия” эксперттары Башҡортостан башлығының Рәсәй һәм Беларусь төбәктәре форумының Пленар ултырышындағы сығышын, эшлекле йыйын барышында күп рәсми делегация вәкилдәре менән һөйләшеүҙәр уҙғарыуын, Һамар өлкәһендә “Башҡортостан” ирекле полк яугирҙәре менән осрашыуын, Санкт-Петербургта иҡтисад форумында ҡатнашыуын билдәләне.
Рейтингта икенсе һәм өсөнсө урындарҙа – Татарстан Рәйесе Рөстәм Миңлеханов һәм Түбәнге Новгород өлкәһе губернаторы Глеб Никитин.
