Власть органдары һәм профилле ведомство вәкилдәре ҡатнашлығындағы сара «түңәрәк өҫтәл» форматында үтте. Бизнес-берләшмәнән иллегә яҡын кеше ҡатнашты. Осрашыуҙа улар ер һәм мөлкәт мөнәсәбәттәре өлкәһендәге, ҡануниәттәге үҙгәрештәр, дәүләт хеҙмәттәре порталы яңылыҡтары тураһында фекер алышты.
Шулай уҡ һәр кем Башҡортостан буйынса эшҡыуарҙар хоҡуҡтарын яҡлау буйынса тулы хоҡуҡлы вәкилгә шәхсән мөрәжәғәтен ҡалдыра алды. Төбәктең үҫеш корпорацияһы иһә инвесторҙарҙы хеҙмәттәшлеккә саҡырҙы.
