“Башҡортостанда коррупция менән көрәшкә етди иғтибар бирелә. Ундай күренеш булғанда республика үҫешен тәьмин итеү мөмкин түгел”, - тип белдерҙе Башҡортостан Башлығы.
Федераль казначейлыҡ етәксеһе урынбаҫары Александр Михайлик Башҡортостандың коррупцияға ҡаршы көрәшкә тос өлөш индереүен билдәләне. Бөтә Рәсәй форумын ойошторған өсөн республика етәкселегенә рәхмәт белдерҙе. Сарала 500-ҙән ашыу делегат ҡатнаша. Улар дәүләт идаралығы сифатын яҡшыртыу, коррупция менән көрәште һөҙөмтәле ойоштороу, министрлыҡ, ведомство һәм ойошмаларҙың эшен һанлы форматҡа күсереү мәсьәләләрен ҡарай.
