Өфө мәктәптәренең береһендә пилот режимында пурифайерҙар, йәғни һыу үткәргестән алынған һыуҙы фильтр аша таҙартыу ҡорамалдары ҡуйылған.
Система республика өсөн махсус эшләнгән һәм әлегә был кулерҙарҙың тәүге партияһы. Уларҙа һыу ун баҫҡыс таҙартыу үтә. Бынан тыш, эсәр һыу шулай уҡ кальций, магний, калий һәм йод менән байытыла. Пурифайерҙарға шулай уҡ һыуҙы озон ярҙамында зарарһыҙландырыу төймәһе лә ҡуйылған, был функция менән һыуҙы бактерияларҙан таҙартыу өсөн файҙаланырға мөмкин.
Аҙыҡ-түлек әҙерләү блогында 9 баҫҡыс фильтрация айырым сәнәғәт кулеры ҡуйылған - яңы уҡыу йылынан балаларға аш-һыуҙы таҙартылған һыуҙан әҙерләйәсәктәр. Киләсәктә һыу менән тәьмин итеү системаһын яңыртыу программаларын барлыҡ мәктәптәртәрҙә һәм балалар баҡсаларында ла ҡуйыу күҙаллана.
