Ике яҡлы хеҙмәттәшлеккә этәргес. Сколков фән һәм технология институтының абруйлы ғалимдары, Башҡорт дәүләт медицина университетының индустриаль партнерҙары Өфөләге Бөтә Рәсәй күҙ һәм пластик хирургия үҙәге эшмәкәрлеге менән танышты. Осрашыуҙа ойошма базаһында биоинженерия өлкәһендә берҙәм тикшеренеүҙәр, асыштар яһау мәсьәләһе ҡаралды. Сколтех һәм королева Марияның Лондон университеты профессоры Глеб Сухоруков сығышы менән Өфөнән. Шуға күрә Башҡортостандағы юғары уҡыу йорто менән хеҙмәттәшлек итеүҙе өҫтөнлөклө йүнәлеш итеп күрә.
