Рейтинг һөҙөмтәләре Вице-премьер Дмитрий Чернышенко етәкселегендәге Совет ултырышында иғлан ителде. 2022 йыл йомғаҡтарына ярашлы, ул донъя кимәлендәге фәнни-белем биреү үҙәктәренең беренсе категорияһына ингән. Был турала республика башлығы социаль селтәрҙәрҙә яҙып сыҡты.
Беренсе категорияға бер нисә учреждение ингән, әммә Евразия фәнни-мәғариф үҙәге бер төбәк нигеҙендә төҙөлгәндәр араһында берҙән - бере. Рәсәйҙә донъя кимәлендәге ошондай 15 үҙәк бар. Радий Хәбиров юғары баһа бирелеүе менән ҡотлап, үҙәк бөтә илдең белем үҫеше локомотивы буласағына ышаныс белдерҙе.
