Рәсәйҙең төҙөлөш һәм торлаҡ-коммуналь хужалыҡ министры Ирек Фәйзуллин Волга буйы федераль округындағы иң ҙур мәктәпте барып күрҙе. 1 мең 650 уҡыусыға иҫәпләнгән белем усағы Өфөнөң Инорс биҫтәһендә урынлашҡан. 51-се белем биреү үҙәге быйыл март айында үҙ ишектәрен асты. Әле унда 1 мең 445 бала уҡый. Федераль министр мәктәптең заманса уҡытыу мөмкинлектәре, спорт, яңы технологиялар менән шөғөлләнеү бүлмәләрен ҡараны. Белем биреү үҙәге бер нисә йүнәлеш буйынса эшләй.
