Ауыл хужалығы министрлығы мәғлүмәттәре буйынса, әле 36 район ураҡҡа төшкән. Ауырғазы һәм Стәрлетамаҡ аграрийҙары юғары һөҙөмтәләргә өлгәшә, был райондар 20-шәр мең тонна иген урып алған. “Салауат” хужалығы механизаторҙары дүртенсе көн баҫыуҙа, ураҡҡа тиҫтәнән ашыу ҡеүәтле техника йәлеп ителгән, әле ярты мең гектар ерҙә эштәр теүәлләнгән. Хужалыҡ етәксеһе Василий Федоров билдәләүенсә, ужым культураларынан уңышы яҡшы.
Республика хужалыҡтарына быйыл 1 миллион 700 мең гектарҙан ашыу майҙанда урыпүйыйыу эштәрен башҡарып сығыу бурысы тора.
