Республика башлығы социаль селтәрҙәге сәхифәһендә Белоруссиянан килтерелгән ҡырағай йәнлектәрҙең торошона бәйле яҙма менән бүлеште. Май башынан бирле 9 зубр Күгәрсен районы «Мораҙым тарлауығы» тәбиғәт паркы янындағы Эйек дәүләт зоология заказнигында йәшәй. Радий Хәбировтың социаль селтәрҙәге сәхифәләрендә урынлаштырылған фоторәсемдәрҙән күренеүенсә, Башҡортостан тәбиғәтен зубрҙар үҙһенеп өлгөргән.
