Баймаҡ районы Граф күле буйында “Башҡорт аты” халыҡ-ара фестивале үтә. Ҙур сара башҡорт тоҡомло аттарҙы ишәйтеү һәм популярлаштырыу, ҡымыҙ бешеү һәм халыҡ кәсептәре традицияларын һаҡлауға, үҫтереүгә йүнәлтелгән. Фестивалдә йылҡысылыҡ менән шөғөлләнгән Рәсәй һәм сит ил вәкилдәре ҡатнаша. Республика ауыл хужалығы министры урынбаҫары Фәрит Вәлитов әйтеүенсә, башҡорт тоҡомло аттарҙы һаҡлап ҡалыу, продукция сифатын яҡшыртыу буйынса көнүҙәк мәсьәләләр бар.
