Бөтә Рәсәй кәңәшмәһе быйыл Башҡортостанда уҙғарыла. Яңы уҡыу йылына план төҙөү, бурыстарҙы билдәләү, алдынғы тәжрибәләр менән уртаҡлашыу маҡсатында уҙғарылған күсмә ултырыш программаһы Мифтәхетдин Аҡмулла исемендәге башҡорт педагогия университетынан башланды. Сара сиктәрендә Рәсәй балалар һәм йәштәр хәрәкәтенең төбәк бүлексәләре советтары рәйестәре өсөн Бөтә Рәсәй кәңәшмәһе үтте.
Был технопаркта мәктәп уҡыусылар шөғөлләнә. Кванториум -өҫтәмә белем биреүҙең яңы форматы, унда 10дан алып -18 йәшкәсә балалар белемен камиллаштыра. Был майҙансыҡтар мәҡтәп уҡыусылары өсөн алдынғы инженер йүнәлештәрен үҙләштеү маҡсатында бушлай эшләй. Рәсәй төбәктәре министрҙары бер нисә төркөмгә бүленеп, юғары уҡыу йорто эшмәкәрлеге менән танышты.
Сара сиктәрендә «Беренселәр хәрәкәте» балалар һәм үҫмерҙәр бөтә Рәсәй ойошмаһы юғары уҡыу йорто менән берлектә ойошторған лагерҙы ябыу тантанаһы үтте. «Университет сменаһы»нда 100-гә яҡын иң әүҙем уҡыусы йыйылған, 14 йәштән -17 йәшкәсә балалар өсөн Аҡмулла университеты сағыу, бай мәғариф һәм ял программаһын әҙерләгән. Уҡыусылар өсөн төрлө оҫталыҡ дәрестәре, интерактив дәрестәр, тренингтар, ижади саралар ойошторолған.
Рәсәй төбәктәренең мәғариф министрҙарының бөтә Рәсәй Рәсәй кәңәшмәһенең төп өлөшө 16 августҡа билдәләнгән, Өфөгә илдең мәғариф министры Сергей Кравцовтың килеүе көтөлә.
Лилиә Мәҡсүтова
