Дәүләкән районында йәшәүсе ир 11-се модель ВАЗ автомобиле юғалыуы хаҡында полицияға хәбәр иткән. Йорт янында торған машинаны төндә урлағандар. Дәүләт автоинспекторҙары «Паутина» системаһы ярҙамында техниканың Ауырғазы районында хәрәкәт иткәнен асыҡлай. Енәйәттә ғәйепләнеүсене Юл-патруль хеҙмәте иртән трассала ҡыуып тота. Руль артында 46 йәшлек иҫерек ир ултырыуы асыҡлана. Автомобилдең артҡы тәҙрәһе һәм ҡабыҙыу асҡысы ватылған була. Осраҡ буйынса енәйәт эше ҡуҙғатылған.
