Был еләк тәмле генә түгел, шифалы ла. Унан вареньенан тыш, ҡаҡ, компот, һут әҙерләйҙәр, шулай уҡ киптерәләр һәм туңдыралар. “Ҡурай еләге баҡсасыларҙың яратҡан культураһы”, ти билдәле селекционер Фәриҙә Садыҡова.
19 июлдә иһә Рәсәйҙә ҡурай еләкле бәлеш көнө билдәләнә. Күп кенә ҡалаларҙа байрам ойошторола. Кулинарҙар ҡурай еләк ҡайнатмаһынан бешерелгән бәлеш рецебы менән уртаҡлаша, конкурстар, оҫталыҡ дәрестәре һәм лекциялар үтә.
