Үлемһеҙ йырсы. Баш ҡаланың «Башҡортостан» сауҙа үҙәге алдындағы майҙанда билдәле музыкант, автор һәм башҡарыусы Виктор Цой иҫтәлегенә концерт ойошторолдо.
33 йыл элек «Кино» төркөмөн ойоштороусы Виктор Цой юл-транспорт ваҡиғаһында һәләк була. Әммә өс тиҫтә йылдан ашыу ваҡыт үтһә лә сағыу рок-музыкант ижад иткән йырҙарҙы тамашасылар онотмай. Өфөлә үткән концертта бер юлы ике музыкаль төркөм сығыш яһаны. Тамашасыға улар яратҡан автор-башҡарыусылары, рок-музыканттың тиҫтәләгән йырҙарын башҡарҙы. Сараға килеүселәр ҙә яуапһыҙ ҡалманы. Яратҡан музыканты төшөрөлгән футболкаларҙа килеп, танһыҡ композицияларға ҡушылып йырланы, бейергә лә төштө.
