Сараға ошо ерлектә тыуып үҫкән һәм бөгөн төрлө тарафтарҙа йәшәүсе яҡташтар йыйылды. Ҡунаҡтар өсөн бай мәҙәни-спорт программаһы әҙерләнгәйне. Декоратив-ҡулланма сәнғәт өлгөләре күргәҙмәһе эшләне, сувенирҙар яһау буйынса оҫталыҡ дәресе, милли уйындар уҙғарылды.
Биләмәлә Аҡбирҙе ауыл биләмәһе умартасыларының бал продукцияһы ла һатыуға ҡуйылды. Сәхнәлә үҙешмәкәр коллективтар йыр-бейеүҙәре менән сығыш яһаны, шулай уҡ байрам сиктәрендә район хакимиәте етәкселеге йәмәғәт тормошонан айырылғыһыҙ булған ауыл активистарын Рәхмәт хаттары менән бүләкләне.
