«Өфө» футбол клубы Рәсәй Кубогының икенсе раундында Новотроицкиҙан «Носту» командаһын пенальти серияһында еңде.
Матч Өфөнөң «Нефтсе» стадионында үтте. Уйындың төп ваҡыты 0-0 иҫәбе менән тамамланды. Пенальти серияһында өфөлөләр көслөрәк булып сыҡты, дөйөм иҫәп 3:1. Рәсәй Кубогының 3-сө раунды уйындары 12 сентябрҙән 14-нә тиклем үтәсәк. Киләһе осрашыу Өфөлә 27 августа уҙа, беҙҙең команда Ульяновск ҡалаһының «Волга» командаһы менән осраша.
