Өфөлә СССР-ҙың атҡаҙанған нефтсеһе, Башҡортостандың һәм Әзербайджан фәндәр академияһы почетлы академиғы Азат Мирзаджанзаде иҫтәлегенә таҡтаташ ҡуйылды. Күренекле ғалимдың тыуыуына 95 йыл тулыу уңайынан нефть тармағы белгестәре, уның коллегалары һәм уҡыусылары йыйылды. Азат Хәлил улы Мирзаджанзаде 400-ҙән ашыу фәнни хеҙмәт авторы. Уның ғилми эшмәкәрлеге тау инженерияһы, нефть һәм газ сығарыу проблемалары менән бәйле.
