Мәғариф һәм Фән министрлығынан хәбәр итеүҙәренсә, йыл әйләнәһенә полилингваль сменалар, слеттар, уҡыу-күнекмә йыйылыштары, уҡыусылар һәм уҡытыусылар өсөн семинарҙар үткәреү ҡарала. Үҙәк Белорет районы Уҫманғәли ауылында урынлаша. Әле уның концепцияһы әҙерләнә һәм финанслау сығанаҡтары асыҡлана. Башҡортостан делегацияһы полилингваль үҙәктәрҙең эш тәжрибәһен өйрәнеү маҡсатында Үзбәкстанда булды, киләһе сәфәр Ҡаҙағстанға планлаштырыла.
