Ошо көндәрҙә предприятиеға Мәскәүҙән Куйбышев тоҡомло 792 баш ваҡ мал ҡайтарылды. Әле һарыҡтар карантинда. Улар өсөн хужалыҡта айырым туҡланыу яландары ҡаралған. Ҡышҡылыҡҡа йылы ҡуралар төҙөлә. Фермерҙар әйтеүенсә, һарыҡсылыҡ килемле һәм перспективалы тармаҡ. Ит һәм йөн өсөн дә берҙәй киң үрсетелгән Куйбышев тоҡомло һарыҡтар менән эштәр алға барасаҡ, тип ышана хужалыҡ етәкселеге.
