Шайморатов батальоны яугиры Луганскийҙың Петровское ҡалаһындағы 22-се Миңлеғәле Шайморатов исемендәге мәктәбе уҡыусылары менән бергә Башҡортостан халҡын яңы уҡыу миҙгеле менән ҡотланы. Белем усағы бер йыл элек үҙ ишектәрен асҡайны. Республика етәксеһе Радий Хәбиров ҡушыуы буйынса мәктәп ҡыҫҡа ваҡыт эсендә төҙөкләндерелде. Танымаҫлыҡ булып үҙгәргән бина тулыһынса яңы ҡорамалдар, заманса уҡыу кәрәк-яраҡтары менән йыһазландырылды. Петровское уҡыусылары Башҡортостан халҡына был бүләк өсөн сикһеҙ рәхмәтен белдерә.
