Был турала аҙна башында үткән оператив кәңәшмәлә республиканың торлаҡ-коммуналь хужалыҡ министры вазифаһын башҡарыусы Ирина Голованова белдергәйне. Алдараҡ хәбәр ителеүенсә, 2 сентябрҙән республикала район-ҡалалар биләмәләрен таҙартыу һәм төҙөкләндереү буйынса дөйөм республика экологик өмәләре, шулай уҡ таҙалыҡ көндәре старт алғайны. Ирина Голованова әйтеүенсә, уҙғана ял көндәрендә генә төбәктә 2 мең кубометр сүп-сра сығарылған. Сүп йыйыуҙа 8 мең кеше, 600-ҙән ашыу предприятие һәм ойошма ҡатнашҡан, 200 берәмек техника йәлеп ителгән.
