Башҡортостан Росреестрҙың «Туризмға ер» проектын тормошҡа ашырыу буйынса Рәсәй төбәктәре араһында икенсе урын яуланы. Республикала 600 гектарҙан ашыу майҙанда туристик эшмәкәрлеккә йәлеп итерлек 11 ер участкаһы асыҡланған. Перспективалы биләмәләр Мәләүез, Ғафури, Баймаҡ, Дәүләкән, Салауат райондарында, Күмертау һәм Өфө ҡалаларында урынлашҡан. Өфө биләмәһендәгендә эш башланған да инде. Асыҡланған участкалар исемлеге даими тулыланып тора.
