Сарала уйынсыҡтар күргәҙмә-йәрминкәһе, конкурстар һәм оҫталыҡ дәрестәре ойошторола. Республика халыҡ ижады үҙәге директоры урынбаҫары Нәфисә Тулыбаева әйтеүенсә, фестивалгә килгәндәр билдәле йәнһүрәт геройҙары менән осрашып, иң яҡшы балалар спектаклдәрен һәм анимация проекттарын ҡарай ала.
“Әйҙә уйнарға” фестивале Совет майҙанында 14-17 сентябрҙә уҙа. Унда килгәндәр хәйриә акцияһына ҡушылып, балалар йорттарына, дауаханаларға, Өфө хосписына уйынсыҡтар бүләк итә ала.
