Өфөнөң Калинин районы «Ғаилә» үҙәгендә был эш «Бергә» хәрәкәте сиктәрендә ойошторола. Әлегә тиклем хәрбиҙәрҙең яҡындары, туғандары, йомарт кешеләрҙең тырышлығы менән йөҙҙән ашыу посылка ебәрелгән.
Һалдаттарға йылы кейем, нәски, бирсәткә, медицина һәм гигиена кәрәк-яраҡтары, боҙолмай торған аҙыҡ-түлек менән посылкалар үҙәктә 14 сентябргә тиклем туплана, һуңынан ул таратыу үҙәге аша махус хәрби операцияһы биләмәһенә оҙатыла. Яҡындарына посылка ебәреүселәр араһында Шаҡша ҡасабаһынан йәш әсә Эльвина Мөлөкова ла бар. Уларҙың хәстәре һалдаттарға еңеүҙе яҡынайтыуҙа ҙур ярҙам буласаҡ.
