Өфөлә «Астра» боҙ комплексында һәүәҫкәр хоккей лигаһы чемпионаты асылды

Республикала икенсе тапҡыр ойошторолған күләмле ярышта быйыл 34 команда ҡатнаша. Майҙанда Благовар, Иглин, Бишбүләк, Әлшәй райондары спортсылары һәм баш ҡала хоккейсылары көс һанышты.

Мин үҙем оҙаҡ ваҡыт Өфө лигаһында хоккей уйнаным. Был чемпионат һәүәҫкәр хоккейсыларға үҙҙәрен спорт йондоҙо итеп тойорға мөмкинлек бирә, егеттәрҙе дәртләндерә. Боҙ майҙанындағы сәм Салауат Юлаев уйындары менән бер кимәлдә тип әйтергә мөмкин.

Артем Новиков, Башҡортостан спорт министры урынбаҫары

Республика һәүәҫкәр хоккей лигаһында өс дивизион иҫәпләнә. Иң көслө спортсылар беренсе төркөмдә уйнай. Икенсе дивизионда спорт мәктәбен тамамлаған хоккейсыларға уйнау тыйыла. Өсөнсө төркөмдә боҙға яңы баҫып уйнай башлаған егеттәр көс һынаша. Ярыштың тәүге көнөндә спорт комплексында «Республика» һәм «Бетар» командалары уйнаны.

Был ярышта хоккейҙы яратҡан кешеләр йыйыла. Мотлаҡ шарт - хоккейсылар профессиональ булырға тейеш түгел, сөнки был һәүәҫкәр спортсыларҙы берләштергән уйын. Командаларҙа төрлө йәштәге спортсылар бар. Йәштәр һәм 50-60 йәшлек хоккейсылар ҡабул ителә.

Альберт Ильясов, Республика һәүәҫкәр хоккей лигаһы директоры
Башбат
Нет наркотикам
Акции БСТ
БАШКОРТТАР-БСТ