Башҡортостанда, Әбйәлил районында өлтөк ҡарағастарҙы күҙ ҡараһылай һаҡлаған мәғариф ветараны Клара Абдуллинаны белмәгән кеше бик һирәк.
Атаһы аманатын үтәүсе мәғариф ветераны йәштәр тарихты, тамырҙарыбыҙҙы онотмаһын өсөн музей ҙа ойошторған. Унда Әбйәлил районының социаль-иҡтисади тормошо, тормош-көнкүрештә ҡулланылған хеҙмәт ҡоралдары, халыҡ кәсептәре, урмансылыҡ эше менән дә танышырға мөмкин. Бынан тыш, энциклопедик белемгә эйә мәғариф ветераны арҙаҡлы яҡташтары хаҡында ла бай мәғлүмәт еткерә.
