Дәүләт Йыйылышы–Ҡоролтай ҡабул иткән законға Республика Башлығы Радий Хәбиров ҡул ҡуйҙы. Документҡа ярашлы, пассажирҙар йөрөткән еңел автомобилдәр Евро-3 экологик өлгөһөнән кәм булмаҫҡа тейеш. Такси автомобиленең тышҡы торошона ла талаптар индерелә. Кузовта һәм ҡыйығында махсус билдәләр булыуы шарт. Аҡ, ҡара һәм һары төҫтәге машиналар ғына такси булып эшләй ала. Пассажирҙар ташыу өсөн 5 йыллыҡ рөхсәт бирелә.
