Өфө дәүләт нефть техник университеты лабораторияһында граждандарҙың ҡиәфәте буйынса республиканың антропология күрһәткестәре - йәғни, бөгөнгө кешенең уртаса портреты билдәләнә. Сканер ярҙамында һанлы игеҙәк яһау тәжрибәһе күп илдәрҙә кейем етештереү тармағында файҙаланыла. Өфөлә был проект студенттар һәм ғалимдарҙы берләштергән «Яңы тормош мөхите» стратегик программаһы буйынса тормошҡа ашырыла.
