Ҡулланыусылар хоҡуғын яҡлау хеҙмәтенән белдереүҙәренсә, сирҙең артабан да артыуы күҙаллана. Көндәр һалҡынайта, кешеләр ялдан һуң эшкә сыҡты, ти белгестәр. Коронавирус йоҡторғандар ҙа күбәйә. Рәсәйҙә бер тәүлектә 14 мең самаһы кешелә “ковид-19” вирусы раҫланған. Башҡортостан мәктәптәрендә грипп һәм ОРВИ таралыуға бәйле 18 класс карантинға киткән. Мәғариф һәм фән министрлығынан хәбәр итеүҙәренсә, әлегә тулыһынса ябылған мәктәптәр юҡ. Кластағы уҡыусыларҙың 20 проценты инфекция йоҡторған осраҡта, белем биреү туҡтатыла.
