Был хаҡта үҙенең социаль селтәрҙәрендә Башҡортостан башлығы Радий Хәбиров хәбәр итте.
Эш графиктан алда бара һәм объект иртәрәк файҙаланыуға тапшырыласаҡ, тип билдәләне республика етәксеһе. Әлеге мәлдә күперҙең терәүҙәре нығытыла, төҙөүселәр конструкцияла даими хәрәкәт һөҙөмтәһендә барлыҡҡа килгән ярыҡтарға махсус төҙөлөш ҡатнашмаһын тултыра. Эш Ағиҙелдең ике ярында ғына түгел, һыу буйында ла алып барыла. Баржалар һәм йөҙөү саралары ярҙамында һул ярҙа ваҡытлыса күпер һалына.
Әле обьектта 300 ашыу кеше ике сменала эшләй, төҙөүселәр билдәләүенсә, эш графиктан алда бара.
