Сәхнәлә Алаторка ауыл мәҙәниәт йорто ҡалаҡсылар ансамбле һәм республика төбәктәренән килгән фольклор коллективтар сығыш яһаны. Конкурста башланғыс класс уҡыусыларынан алып өлкән йәштәгеләргә тиклем ижади төркөмдәр ҡатнашты. Байрам ҡунаҡтары өсөн интерактив майҙансыҡтар - фотозона, сауҙа рәттәре эшләне, оҫталыҡ дәрестәре ойошторолдо. Хужабикәләр ҡарбуздан, сәтләүектән, һуғандан үҙенсәлекле ҡайнатмалар әҙерләү рецебы менән бүлеште.
