Бөйөк Ватан һуғышы, хәрби бәрелештәр ветерандары, мөмкинлектәре сикләнгән граждандар иғтибарына. 1 октябргә тиклем социаль хеҙмәттәр урынына аҡса һайларға мөмкин. Бының өсөн дәүләт хеҙмәттәре порталы аша, Социаль фонд бүлексәләрендә, йә күп функциялы үҙәктә ғариза яҙырға кәрәк.
Социаль хеҙмәттәр тупланмаһына дарыуҙар, медицина изделиелары, дауалау туҡланыуы продукттары ла инә, сығымдарҙы дәүләт ҡаплай. Башҡортостандың һаулыҡ һаҡлау министрлығы граждандарға мөрәжәғәт итеп, был льготаны һаҡлап ҡалырға саҡыра. Республика кимәлендә социаль хеҙмәттәр менән файҙаланыу күпкә отошлораҡ.
