Мәртәбәле сарала мөмкинлектәре сикләнгән кешеләрҙең йәшәү сифатын үҫтереүҙә инновацион алымдар тәҡдим ителә. Күргәҙмәлә 11 төбәктән 40 компания ҡатнышырға теләк белдергән. Инвалидлыҡты иҫкәртеү һәм реабилитация мәсьәләләренә арналған форум былтыр беренсегә уҙғарылды. Ул йәмғиәттә ҙур ҡыҙыҡһыныу уятты. Икенсе форум киләһе аҙнала “Торатау” Конгресс-холында үткәрелә. Уның барышында хәйриә йәрминкәһе, “Ҡаршылыҡтарҙы үтеп” тигән балалар ижады конкурсы гала-концерты ла ойошторола.
