Мышылар утларға сыҡҡан. Башҡортостан милли тәбиғәт паркы видеотоҙағына был юлы «оҙон ашҡаҡтар» эләкте. Тәбиғәт паркы хеҙмәткәрҙәре фекеренсә, ғәҙәттә мышылар төндә туҡлана. Көҙгә табан иһә аҡландарға сыға башлай. Әле улар төндә йоҡлап, ҡышҡылыҡҡа күберәк энергия һаҡлап ҡалырға тырыша. Тарбаҡ мөгөҙҙәрен һалып өлгөрмәгәндәр, ата мышылар хатта асыҡ урынға сығыуҙан да тартынмай. Ҡышҡа табан улар йыртҡыстарҙан йәшенеү өсөн шырлыҡ йәки һаҙлыраҡ урындарҙа төпләнә.
