Ғафури районынан “Рахма” ҡушаматлы һалдат махсус хәрби операцияла ҡатнаша. Ул Оборона министрлығы менән контракт төҙөгән. Ул яңыраҡ тыуған ауылына ҡыҫҡа ваҡытлы ялға ҡайтып китте.
“Туғаныбыҙ менән ғорурланабыҙ. Махсус операцияла ҡатнашыусыларҙың барыһы ла батырҙар. Ир-егеттәрҙең хәрби бурыстарҙы лайыҡлы үтәүенә ышанабыҙ. Еңеү яулап, имен-һау тыуған еребеҙгә әйләнеп ҡайтыуҙарын теләйбеҙ”, - ти яугирҙең яҡындары.
Башҡортостанда контракт буйынса хәрби хеҙмәткә яҙылыу дауам итә. Ҡала һәм райондарҙа Рәсәй Ҡораллы Көстәренең мобиль пункттары эшләй. Барлыҡ һорауҙарға 177 берҙәм белешмә һандары буйынса яуап алырға мөмкин.
